Útoyggjafelagið 10.august 2014
Til
Jacob Vestergaard
Landsstýrismaður í landbúnaðarmálum
Útoyggjarnar vilja eisini mynda framtíðar landbúnaðarpolitikkin
Nú tað frættist, at settur er ein bólkur at gera uppskot til broytingar í lógini um landsjørð / landbúnað í Føroyum, vil Útoyggjafelagið gera vart við, at vit meta okkum verða ein sjálvsagdan viðspælara í hesi tilgongdini. Tí harmast vit um, at landstýrismaðurin ikki hevur boði okkum við í arbeiðsbólkin, ið settur er at viðgera avgerðadni spurningar í vinnuni. Hetta tí at broytingar í lógini helst kunnu fáa stóran týdning fyri vinnuligan landbúnað í Føroyum yvirhøvur og á útoyggjum í alstóran mun.
Fortreytirnar fyri vinnuligum landbúnaði í Føroyum, burtursæð frá mjólkarframleiðslu, eru ongastaðni betur enn á útoyggjunum, har nógv dyrkað lendi og uppland er varðveitt.
Aðalendamálið við broytingum í lógini um landsjørð má verða at skapa betur fortreytir fyri vinnuligum landbúnaði, fyri harvið at økja landbúnaðarframleiðsluna í Føroyum. Vit vilja fegin við okkara kunnleika til møguleikar og fortreytir fyri framtíðar vinnuligum landbúnaði á útoyggjum, sum náturliga og upplagt skal verða eitt endamál í lógini, geva okkara íkast til eitt komandi uppskot til broytingar í lógini um landsjørð.
Við vón um jaliga og játtandi móttøku av hesum ynski.
Vinarlig heilsan
Óla Jákup úr Dímun, formaður
Aftur |