Útvarp Føroya bar í kvøld tey tíðindi, at Teistin verður tikin úr siglingini til Hestoynna. Henda sera stóra og avgjørda broyting í tænastustøðinum er gjørd, uttan at hestfólk ella Útoyggjafelagið eru hoyrd.Tað kom sera dátt við, bæði hjá hestfólki og Útoyggjafelagnum, tá tað frættist í miðlunum, at Helena Dam á Nestabø hevur tikið Teistan úr siglingini millum Gomlurætt og Hest.
Hetta er eitt so stórt inntriv í tænastuna hjá teimum, sum búgva í Hesti, at mong sita eftir við kensluni av, at einasta endamálið er, at avtofta oynna.
Tá tað almenna á henda hátt, broytir eina grundleggjandi tænastu, er tað minsta kravið, at tey, sum eiga tænastuna verða kunnað og hoyrd. Í hesum førum hava hvørki hestfólk ella Útoyggjafelagið fingið nakra ábending um, at henda ætlan lá í kortum. Umboð fyri Hestoy vóru fyri 3 vikum síðani á fundi við SSL, og tá var einki sagt um broytingina. Hesin framferðarháttur skapar ótyggleika og ónøgd, og ger tað púra óliviligt á útoyggj.
Útoyggjafelagið og umboðini fyri Hestoy, hava biðji um ein fund við Landsstýriskvinnuna í samferðslumálum, fyri at fáa lýst málið og fyri at finna loysnir, ið møguliga kunnu bøta um vansan við tí avgerð, sum er tikin.