Rímuligari prísir fyri ferðing við tyrluni hjá útoyggjafólki.
Atlantic Airways
Tyrludeildin
Flogvøllurin
380 Sørvágur St. Dímun 13.desember 2007
Viðvíkjandi: Áheitan um rímuligari prísir fyri ferðing við tyrluni hjá útoyggjafólki
Nógv er hent tey seinastu árini við ferðaprísinum runt um í landinum og nógv ferðast bíligari enn nakrantíð, hvønn dag til og frá arbeiði. Hesi fólk fáa bjóða ferða tilboð frá sínum heimi og til arbeiðis, við ferða kubba og øðrum líknandi, ið ger tað bíligari. Hesi ferða tilboð kosta ongastaðni í landinum meira enn 80,- kr. tur/retur
Treyðugt so noyðast útoyggjafólk at gjalda 290,- kr, 260,- kr og niður í 170,- kr tur/retur. Ongastaðni er so ójavnt og dýrt at ferðast, sum hjá búsitandi útoyggjafólki.
Hesi útoyggjafólk, sum ferðast av og á, eru ikki tey sum halda rakstrinum av tyrluni uppi. Hesir prísir eru heldur ikki við til at skapa ein betri trivna. Skal nærmasta familja vitja á útoyggj kostar tað alt ov nógv. Fólk hava ikki ráð at vitja tey nærmastu á útoyggjunum.
Uppskot til nýggjar ferðaprísir:
Ferðafólk uttan tilknýti: Vanligan prís
Búsitandi á útoyggj tur/retur: 80,- kr.
Hetta skal verða galdandi fyri ferðing millum útoyggj og miðstaðarøki. Til hesar prísir skulu nýtast Tyrlukubbar. Tey sum hava Tyrlukubba kunnu umbiðja fyri tey nærmastu fyri sama prís. Útoyggjafelagið kann útvega eitt yvirlit yvir, hvør er fasrbúgvandi á útoyggjunum.
Við vón um positiva móttøku
Vinarlig heilsan
Óla Jákup úr Dímun, formaður
Avrit sent SSL og IMR
04-02-2010