Bæði hósdagin 18.mars og leygardagin 20.mars, fara limir í Útoyggjafelagnum, at fundast. Hósdagin 18.mars, verður fundurin hildin í Íverksetarahúsinum í Klaksvík. Á skránni er verkætlanin Nordic Delight og Slow Food, virksemi. Leygardagin 20.mars, er tað umboðsráðsfundur, sum er á skránni.
Umboðsráðsfundurin verður ein víðkaður fundur, tað merkir, at eisini onnur enn tey valdu umboðini luttaka. Hesi eru m.a. limir, ið vilja hava ein virknan leiklut í felagnum, ella eru partar av verkætlanum í felagnum.
Fundurin leygardagin, byrjar kl.10.00 og nógv mál eru á skránni. M.a. skulu mál, ið viðvíkja samferðsluni umrøðaast umframt skúlamál, kommunumál, tiltøk o.a.
Ætlanin er, at kunngerða niðurstøðurnar á fundinum her á heimasíðuni, umframt, at viðkomandi myndugleikar fáa áheitanir og tilmælir frá fundinum.
