Nú er so tann stundin komin til handa, at Másin ikki longur skal skúma fjørðin, og flyta fugloyingar og svínoyingar millum oyggjarnar. Men Másin hevur tænt oyggjunum væl, og mong eru tey, sum vilja siga "vit fáa ikki betur skip enn Másan".
Tá Útoyggjafelagið byrjaði sítt arbeiði fyri 10 árum síðani, tá var spurt, bæði í Fugloy og Svínoy, um ikki stundin var komin, at fáa annað skip fyri Másan, tí hann var vorðin ótíðarhóskandi. Tá søgdu tey allar flestu "Másin er góður", vit skulu bara hava eina betri ferðaætlan. Men so skal sigast, at samstundi sum álitið á Másan var stórt, so var eisini eitt stórt ynski longu tá, um at endurnýggja samferðsluna, og serstakliva var hetta mál á skránni í Svínoy, tí longu tá fyrilág ein ætlan um tunnil yvir í Havn, so ein bilferja skuldi røkja farleiðina millum Svínoy og Sund.
Nú 10 ár seinni, hava tey sum búgva í Svínoy mist Másan, og hava fingið Súluna í staðin. Hetta er eitt risa afturstig, inntil eitt nýtt skip kemur inn í siglingina.
Nú verður Ritan álitið, so vónandi hon at roynast líka væl sum Másin - bert við naka meira ferð.
Tað er í tøkum tíma, at Másin fer út og annað skip kemur inn, men tað hevur verið drálað alt ov leingið, við at gera ábøtur á hesa farleið. Nú Másin var "tvungin" úr flotanum, vóru myndugleikarnir "tvungnir" at finna aðra loysn. Vísir tað seg, at Ritan ikki er eins góð og vanta, vóna vit, at ein nýggj loysn, ikki skal bíða líka leingi, sum bíða var við Másanum.
