Leygardagin 20. juni verður árliga útoyggjastevnanan hildin. Hesuferð verður hon í Mikladali og á Trøllanesi.
Sum undanfarin ár verður skráin metta við tiltøkum til álvara og gaman. Tað eru bygdaumboðini fyri Mikladal og Trøllanes í Útoyggjafelagnum, saman við bygdafólkinum í báðum bygdunum, ið fyriskipa tiltakið.
Í ár verður dentur lagdur á, at draga fram orsøkina til, at vit hava eitt útoyggjafelag. Tað eru nú liðin 10 ár síðan skjøtil var settur á, veruliga at taka trupulleikan við fráflyting upp, og gera nakað við tað. Fólkafundurin í Fugloy í 1999 var startskotið. Táverandi Landsstýrið við Anfinni Kalsberg á odda, gjørdi av, at seta eina útoyggjanevnd, ið skuldi skrivað álit, sum síðani skuldi til aðalorðaskifti. Nú 10 ár seinni, fara vit at seta fokus á gongdina síðan 1999, hvussu eru útoyggjarnar fyri í dag og hvar gongur leiðin.
Skráin, sum tó enn kann broytast nakað sær soleiðis út:
Leygardag 20. juni. í Mikladali
09.00 – 10.00: Morgunmatur í Avhaldshúsinum
11.00: Ársfundur fyri Útoyggjafelagið
12.00 – 13.30: Suppa í Avhaldshúsinum
13.30 - :Framsýning í skúlanum í Mikladali
13.30 - : Útoyggjastevnan verður sett á fótbóltsvøllinum.
Aftaná verður tog-togan millum útoyggjarnar og annað undirhald.
15.30: Farið verður norður á Trøllanes
Tiltøk á Trøllanesi:
16.00: 17 Sangarar syngja
16.30: Øssur Winthereig heldur røðu
17.00: Pallborðsfundur : polittikkarar viðgera útoyggjarnar
17.30: Pallborðsfundur : samfelagsfr., ungfólk av útoyggj, og ymisk fakfólk
18.00: Framsýning av myndum aftur til 1930. Um fólk og mentan á Trøllanesi
19.30: Kvøldseta við røðu og felagssangi.
21.00 – 22.00: Fráferð