Arbeiðsvikan er nú av, og fólkið er farið aftur til heimlondini. Tiltakið, ið Útoyggjafelagið og Granskingardepilin fyri samfelagsmenning hava staðið fyri hesa seinastu vikuna, eydnaðist sera væl. Nú eru øll farin hvør til sítt, at arbeiða víðari við verkætlanini.
Hvørt luttakandi land, tvs. Føroyar, Norra, Ísland og Írland, fara tey komandi 2 árin at lata tvey Economusée upp í hvørjum landi. Hesi vera "prototypan" uppá eina røð av virkjum, bygd upp eftir sama leisti.
Tey sum hava verið á einum Economusée í Kanada, vita, at hetta er nakað heilt serligt. Talan er um eitt sera professionlet tiltak, har tann vitjandi far eina veruliga uppliving. Hetta er eisini orsøkin til, at tiltakið hevur fingið høga raðfesting hjá NPP, ið fíggjar helvtina av kostnaðinum. Samlaða fíggjarætlanin liggur um 13 milliónir kr.
Tað liggur eitt stórt arbeið fyri framman, skulu vit megna at fylgja tíðarætlanini, og tí fer Útoyggjafelagið, alt fyri eitt undir at fyrireika tey fyrstu føroysku tiltøkini. Hesi vera á Trøllanesi og í Skúgvi. Ætlanin er eisini, at eitt ella tvey virkið vera aðrastaðni í útjaðaranum.
Tey virkir, ið standa fyrst á skránni
Íslandi: Tekstilvirkið, ið framleiðir vørur úr fiskaskravu, og virkið, ið framleiðir saltfisk.
Norra: Ein skósmiðja, og eitt tunnuvirkið
Norður Írland: Smúkkuverkstað, og ostavirkið
Republikkin Írland: Vevstova og snikkaravirkið
Føroyar: Jarnsmiðja og tog- og tekstilvirkið.
Tá høvuðsverkætlanin er av, skal virksemi halda fram. Tí skal arbeiðast fram ímóti, at hvør land far skipað hesa verkætlan, sum eitt støðugt tiltak. Fyri at tryggja, at hetta arbeið verður fakliga væl udirbygt, er ein stýribólkur settur í hvørjum landi. Í Føroyum sita umboð fyri Granskingardepilin, Samvit og Vinnuhúsið í hesum bólki, umframt ein søgufrøðingur, ið kemur at virka saman við søgufrøðingunum í hinum luttakandi londunum. Mentamálaráðið og Innlendismálaráðið eru eygleiðandi partar.
Sum økismennandi tiltak, er henda verkætlan av stórum týdningi, hetta tí hon skapar abeiðspláss og nógv avleitt virksemi.
Terji Inderhaug, verkætlanarleiðari
Jona í Lon, umboð fyri Útoyggjafelagið
Marie-Louise, Norður Írland og Johanna úr Hattarvík.
Pat úr Norður Írlandi, er bergtykin av fjøllunum
Gestirnir og limir í stýribólkinum til eina góða máltíð
Frálæra í mannagongd og skipan av tiltakinum
Terji og Pat granska eina eplaveltu á Húsum